Li Kerkûkê li pey hev 3 teqîn çêbûn. Li gorî agahiyên destpêkê di teqînan de 16 kes birîndar bûn. Heta niha tu kes an jî rêxistinan teqîn li xwe negirtine
Li bajarê Kerkûk ê başûrê Kurdistanê li pey hev 3 teqîn çêbûn. Teqîn li cadeya Kerkûk Atlas, bazara Mezathane û li derdora pira Reşîd pêk hatin.
Li gorî agahiyên ji çapemeniya xwecihî, teqînek bi rêya bombeya deng her du teqînên din jî bi rêya teqemeniya ku di demên berê de hatibû bicih kirin, pêk hatine.
Têkildarî teqînan heta niha daxuyaniyek fermî nehatiye dayîn. Lê tê diyar kirin ku di teqînan de 16 kes birîndar bûne. Heta niha tu rêxistinekê teqîn li xwe negirtiye. KERKÛK
