HSD’ê bi daxuyaniyekê ragihand ku êrîşên dewleta tirk û çeteyên wê yên li seranserê eniyê didomin. HSD’ê da zanîn ku di êrîşan de 2 şervanên wan şehîd bûn û 2 jî birîndar bûne
Navenda Ragihandin û Çapemeniyê ya Hêzên Sûriyeya Demokratîk (HSD) têkildarî bîlançoya şer û pevçûnên di nava 24 saetên dawî yên di navbera hêzên wan û hêzên dagirker ên dewleta tirk û çeteyên wê, daxuyaniyeke nivîskî parve kir. HSD’ê diyar kir ku artêşa tirk a dagirker û çeteyên wê êrîş û tevgerên xwe yên keşfê yên li seranserê herêma eniyê didomînin.
Daxuyanî wiha dom kir:
“ZIRGAN
* Artêşa tirk a dagirker û çeteyên wê li derdora Zirganê êrîşên xwe yên bi çekên giran û piştevaniya balafirên bêmirov domandin. Çeteyan li gundên Til Mihemed û Til El Werdê êrîşî herêmên sivîlan û çeperên şervanên Meclisa Leşkerî ya Suryan kir.
EYN ÎSA
* Artêşa tirk a dagirker û çeteyên wê gundewarên Eyn Îsa û Qiz Alî bi awayekî dijwar topbaran kirin û gelek herêmên sivîl kirin hedef. Her wiha gundên Zenûba û Korikê bi bi tang û topan topbaran kirin. Ji ber topbaranê ziyan gihişt mal û milkê gelê herêmê.
* Di encama êrîşên artêşa dagirker a bi çekên giran û balafirên bêmirov de 2 hevalên me şehîd bûn û 2 hevalên me jî birîndar bûn.”
