Ji 22 endam û rêveberên HDP’ê ya Kocaeliyê ku di 26’ê mijdarê de hatibûn binçavkirin 14 jê hatin girtin û 8 kes jî bi şertê kontrola edlî hatin berdan
Polîsên dewleta tirk di 26’ê mijdarê de li bajarê Kocaeliyê bi ser gelek malan de girtin. Di serdegirtina malan de 22 endam û rêveberên Partiya Demokratîk a Gelan (HDP) binçav kirin. Piştî îfadeyên li emniyetê bi dawî bû, endam û rêveberên HDP’ê sewqî Dadgeha Kocaeliyê hatin kirin.
Dozger û dadger bi îdiaya ‘Endamên rêxistinê ne’, ji bo hevseroka HDP’ê ya Kocaeliyê Leyla Aygun, endamê Meclisa HDP’ê Mehmet Alçinkaya, hevserokê HDP’ê ya Gebzeyê Ebubekîr Çoban, rêvebera HDP’ê ya Kocaeliyê parêzer Zakîre Dundar, endamên HDP’ê Damla Bagci, Melek Yerkan, Gokhan Demîrtaş, Şenol Daşdemîr, parêzer Yuksel Genç, Osman Kurum, Hasret Erdem, Meryem Uslu, Emiîne Karaslan û Kutbettîn Guneşsu biryara girtinê da.
Her wiha endamê HDP’ê ya Kocaeliyê Îrfan Demîr, endamê Meclisa HDP’ê Engîn Guleser, endamên HDP’ê Tekîn Gur, Bîret Aydemîr, Kudret Davutoglu, Mehmet Karaslan, Mekiye Aydin û Necla Erdogan jî piştî îfadeyên dozgeriyê bi şertê kontrola edlî hatin berdan.
Endamê Meclisa HDP’ê Bulent Uyguner ê di 26’ê mijdarê de di nava vê pêla binçavkirinê de hatibû binçavkirin jî di 28’ê mijdarê de bi îdiaya ‘Endamê rêxistinê ye’ hatibû girtin. KOCAELÎ
