HSD bi eşkerayîyêke bîlançoya xo ya 24 saetanê peyênan eşkera kerd. HSDyî eşkerayîya xo de da zanayene ke hêzê artêşa tirkî ya dagirkere û çeteyê aye cepheyanê Hesekê û Eyn Îsayî de hêrişê hêzê înan û raşteyanê sivîlan kerdî
Merkezê Çapemenîya Hêzê Sûrîyeya Demokratîke (HSD) da zanayene ke hêrişê dewleta tirkî û çeteyanê aye yê vera Hesekê û Eyn Îsayî dewam kenê û înan va:
“HESEKÊ
* Hêzê artêşa tirkî ya dagirkere û çeteyê aye dormeyê dewa Erbaînî de hêrişê cepheyanê ma û raşteyanê sivîlan kerdî.
EYN ÎSA
* Grûbanê çeteyan rayîrê mîyanneteweyî yê 4-Mî de têgêrayîşê xo rê dewam kerd.
* Hêzê artêşa tirkî ya dagirkere û çeteyê aye bi çekanê giranan hêrişê bejahîya dewanê Tirwaziyê û Ûm Beramijî yê Eyn Îsayî kerd. Reyna dewê Xirbit Faris, Kefîfa û Leqleqo bi hawanan û fuzeyanê gradî ameyî bombavarankerdene. Gêreyîşê teyarayanê hewayî yê bêmerdiman zî dewam kerd.
* Hêrişan de embazêkê ma birîndar bi.”
