Hevşaredarên Bêgirî, Qelqelî û Elbakê hatin binçavkirin. Li Amedê jî endama Meclisa Şaredariya Rezanê Naşîde Buluttekîn Can ku li şûna wê qeyûm hatibû tayînkirin, hate binçavkirin
Polîsên dewleta tirk li Wanê bi ser mala hevşaredarê Şaredariya Bêgiriyê Yilmaz Şalan, hevşaredarê Şaredariya Qelqeliyê Yakûp Almaç û hevşaredarê Şaredariya Elbakê Erkan Acar de girt û binçav kirin. Polîsan piştî lêgerînên li malan, hevşaredar birin Midûriyeta Polîsan a Wanê.
Li Amedê jî polisan bi ser mala endama Meclisa Şaredariya Rezanê Naşîde Buluttekîn Can ku li şûna wê qeyûm hatibû tayînkirin de girt û Can binçav kirin. Polîsan piştî lêgerînên li malê, Can birin Şaxa TEM’ê ya Midûriyeta Polîsan a Amedê.
Can di 22’yê cotmehê de ji peywirê hatibû dûrxistin û li şûna wê qeyûm hatibû tayînkirin. WAN
