Girtiyên li Girtîgeha Osmaniyê yên ku di grevê de bûn, piştî ku daxwaza wan hat qebûlkirin çalakiya xwe bi dawî kirin
30 girtiyên li Girtîgeha Tîpa T a Hejmara 2 a Osmaniyê li dijî ferzkirina ku li ser pêyan hijmara xwe bidin ji 12’yê Mijdarê ve di greva birçîbûnê de bûn. Piştî ku daxwaza girtiyan hat qebûlkirin, dawî li çalakiya xwe ya greva birçîbûnê anîn.
Li Turkogluyê grev hê jî didome
4 girtiyên siyasî yên ku li Girtîgeha Tîpa L a Hejmara 1 a Turkoglû ya Mereşê dimînin, ji 25’ê Mijdarê ve di greva birçîbûnê de ne.
Girtî dixwazin ku dawî li dayîna hejmarê ya bi nîzama leşkerî were, daxwaza yekkirina kawişan pêk were, di têketina girtîgehê de kesî tazî nekin û wiha ser wan seh nekin, dawî li meşa nîzama leşkerî ya li korîdoran were, cezayên disîplînê yên kêfî werin betalkirin, karta nasnameyê ya ku bi vê xwe ve dikin rabe û rojnameya Yenî Yaşamê, pirtûk, name û kargoyê bidin wan. OSMANIYE
