Protestoyê vera hukmatî yê ke sereyê aşma teşrîna verêne ra nata Iraq de dewam kenî de tewr tay 450 kesî cuya xo vindî kerdî
Iraq de protestoyê vera hukmatî yê ke paytext Bexdad û şaristananê erebanê şîîyan de dest pêkerdibî aşma diyîne de dewam kenê. Protestoyê vera hukmatî yê ke sereyê aşma teşrîna verêne ra nata Iraq de dewam kenî de tewr tay 450 kesî cuya xo vindî kerdî. Rojanê peyênan de protestoyî tay vindertbî, labelê paytext Bexdadî de netîceyê hêrişê komê çekinan yê vera çalakvanan de tewr tay 12 kesî cuya xo vindî kerdî. Ame zanayene ke qewimîyayîşan de bi desan kesî zî birîndar bîyî.
Ame zanayene ke hêriş nizdîyê parkêka wesaytan ke nizdîyê Raşteyê Tehîrîrî ya de pê ame û wexto ke kesê ke bi motorsîkletan waştî çalakgeran biremnî hedîse vejîyayo. Goreyê xeberan kesê ke merdî heme zî çalakgeran ra yî.
