Wendekarê kurd yê ke Mektebo Berz yê Korkutelî yê Unîversîteya Akdenîzî de raştê hêrişê faşîstan ameybî, seba ke asayîşê canê înan çinbî mecbur mendî ke nwendişê x ora fek vera bidî. Kesê ke hêrişê wendekaran kerdî zî serbest ameyî veradayene
Mektebo Berz yê Korkutelî yê Unîversîteya Akdenîzî yê Antalya de 3 wendekarê kurdî 1ê teşrîna peyêne de Yurdê Wendekaran de raştê hêrişê faşîstan ameybî. Hêrişî de grûba faşîstan ya ke 16 kesan ra pê ameyêne û xo rê vanê ‘ulkucu’ wendekaran rê va; ‘Ma nêverdenê kurd û HDPyî tîya de bihewî.’ Grûba faşîstan ciwananê kurdan antî odeyêk veng û înan kutî.
Hedîse ra dima ciwanê kurdî nêweşxane de ameybî dermankerdene û Serdozgerîya Komarî ya Korkutelîyî derheqê babete de tehqîqat daye destpêkerdene. Çarçeweya tehqîqatî de îfadeya 16 faşîstan ame girewtene û dima ra zî serbest ameyî veradayene.
Derheqê babete de wendarê ke ameyî derbkerdene û fek unîversîte ra vera dayî ra Şerîf Saribûlak û Alî Butkulî qisy kerdî. Wendekarî dayî zanayene ke sayîşê canê înan çin o û cok ra mecbur mendî ke fek unîversîte ra vera bidî. Wendekarî dîyar kerdî ke rayîrberîya yurdî înan rê nuşteyêk erşawita û înan rê vata; ‘Ganî şima bi cezaya vetişê yurdî ra bêrî cezakerdene.’ ANTALYA
