Li paytexta Hîndistanê Delhiya Nû agir bi fabrîkayekê ket, gelek kes ji ber şewatê mirin
Li paytexta Hîndistanê Delhiya Nû agir bi fabrîkayekê ket. Li gorî nûçeyên çapemeniya xwecihî dema ku agir li fabrîkayê derketibû, karker di xewê de bûne û karker di nav şewatê de mane.
Di şewatê bi kêmanî 43 kes mirin. Hê diyar nebûye bê ka şewat ji ber çi derketiye. Hate gotin ku şewat ber bi sibehê li avahiyeke 6 qatî derketiye ku li vir çente dihatin çêkirin.
Tîma agirkuj bi qasî 50 kesî xilas kirin. Hate gotin ku piraniya van kesan ji ber dûxanê jehrî bûne û tirs ew e ku hejmara miriyan zêde bibin.
Li Hîndistanê ji ber ku rêgezên ewlehiya kar nayên bicihanîn şewat zêde çêdibin. DELHIYA NÛ
