Leşkeran bi ser gelek gundên girêdayî navçeya Rezan, Peyas û Çinarê yên Amedê de girtin û herî kêm 13 welatî binçav kirin
Leşkerên tirk serê sibê saet di 05.00’an de bi ser gundên girêdayî navçeyên Peyas, Rezan û Çinarê de girtin û herî kêm 13 kes binçav kirin. Leşkeran li gundê Kirkalî yê Peyasê, Mahmut Derse, Ahmet Derse, Murat Çetîn, Firat Çetîn û li navenda Peyasê Abdulkadîr Yagar binçav kirin. Leşkeran bi ser gundê Alankoz ê Rezan de jî girtin. Di serdegirtina gund de welatî Îsmet Yildiz, Hakan Yildiz binçav kirin. Leşkeran di serdegirtina gundê Dugerê yê Rezan de Îsmet Akar, li gundê Arvalî yê Rezan Mehmet Akyuz, li gundê Kabahidir ê Rezan Keya Naîl Toprak, li gundê Kiliçkaya yê Rezan Abdullah Çiftçî, Îbrahîm Çitfçî û li gundê Çakir Tutmaz ê Çinarê jî Abdulkadîr Eken û kurê wî binçav kirin. AMED
