HSDyî bi eşkerayîyêke da zanayene ke hêrişê dagirkerîye yê dewleta tirkî ya dagirkere û çeteyanê ci dewam kenî û çeteyî seba hêrişanê neweyan sewqîyatê leşkerî kenî. HSDyî dîyar kerd ke hêrişê dagirkerîye yê hemwext, çeteyanê DAIŞî zî kerd mîyanê têgêrayîşan û hêrişê Dêrazorî de 3 embazê înan şehîd bîyî
Merkezê Resnayîş û Çapamenîya Hêzê Sûrîyeya Demokratîke (HSD) bi eşkerayîyêke netîce û bîlançoya şerê 24 saetanê peyênan eşkera kerd. HSDyî da zanayenê ke artêşa tirkî ya dagirkere û çeteyê aye herêma Zîrgan û dewanê ci yê vakurê Til Temir û dormeyê Eyn Îsayî de têgêrayîşanê xo yê dagirkerîye domnenî.
Eşkerayîya HSDyî de wina ame vatene: “Dagirkerî Zîrgan de sewqîyatê wesayîtanê zirxinan û çekanê giranan kerd û dest bi amadekarîya hêrişê kerde. Reyna çeteyan hêrişê Til El Wird û Ing El Hewa kerd. Hetê bînî ra firdayîşê wesayîtanê hewayî yê bêmerdiman (ÎHA) zî dewam kerd. Çeteyan bi çekanê girana kerd ke hêrişê dewanê Qasimîyê û Ûm El Kêfî yê Til Temirî bikerê. Hêrişê dagirkeran yê vera Til Temirî û Eyn Îsayî her rojê zêdîyene.”
Grûbê nimite yê DAIŞî kewtî mîyanê têgêrayîşan
Eşkerayîya HSDyî wina dewam kerd: “Bi hawayêko hemwext hêrişê artêşa tirkî ya dagirkere yê serê herêma Til Temir û Eyn Îsayî de grûbê nimite yê DAIŞî hêrişanê xo yê herêma Dêrezorî zêdînayî. Çeteyanê DAIŞî Hecîn de hêrişê hêzanê ma kerd. Netîceyê hêrişî de 3 embazê ma şehîd bîyî û 2 embazê ma zî birndar bîyî.”
