HSDyî bi eşkerayîyêke da zanayene ke têgêrayîşê dagirkerîye yê dewleta tirkî û çeteyanê pabesteyê aye pêroyê herême ser de dewam kenî. HSDyî eşkerayîya xo de bîlançoya di rojanê peyênen eşkera kerd û dîyar kerd ke artêşa tirkî cayanê sivîlan hedef gêna û hêrişan de şervanêk înan şehîd bîyo
Merkezê Resnayîşî û Çapemenîya Hêzê Sûrîyeya Demokratîke (HSD bi derheqê netîceyê şer û xoverdayîşê 24 saetanê peyênan de eşkerayîyêka nuştekî pare kerd. Eşkeayîya HSDyî de ame vatene ke artêşa tirkî ya dagirkere û çeteyê pabesteyê aye roja 62 û 63. yê hêrişan de pêroyê herême ser de têgêrayîşanê xo domnenî.
Hîrayîya eşkerayîye de nê ameyî parekerdene:
“TIL TEMIR
* Til Temir de dagirkerî mîyanê 2 rojan de bi seyan çeteyî xo sewqê herême kerdî û amadekarîya hêrişan rê dewam kerde. Dormeyê dewa Ûm El Kêf ame bombardûmankerdene. Netîceyê hêrişî de cayanê sivîlan de xesaro madî ame meydan. Reyna dewa Til El Werdî zî bi îHA û çekanê giranan ameye bombardûmankerdene.
EYN ÎSA
* Artêşa dagirkere herêma Qizelî de cayê sivîlan ê dewanê Kendalê û Çelebê yê Eyn Îsayî bi çekanê giranan bombardûman kerd. Hete bînî ra cayê sivîlan ê dewanê Erîda û Xirbet Farisî ameyî ame bombardûmankerdene.
* Netîceyê hêrişanê artêşa dagirkere yê teyareyanê bêmerdimî de embazêkê ma şehîd bi.”
