Operasyonê qirkirdişê siyasî yê vera şarê kurdî dewam keno. Na çarçowe de ewro Amed de netîceyê sereştişê keyeyan de 22 kesî ameyî binçimkerdene. Tewrê kesê ke ewro ameyî binçimkerdene hûmara tepişteyan resaye 59î
Çarçeweya cipersayîşanê Serdozgerîya Komare ya Amedî de 8ê kanûne de qezayanê Peyas, Çinar û Baglarî yê Amedî de 20 kesî ameyî binçimkerdene. Reyna vizêr qezayanê Baglar, Pîran, Licê, Hênê û Karazî yê Amedî de 17 kesî ameyî binçimkerdene. Ewro zî di dewanê Peyasî de 22 kesî ameyî destbendkerdene. Pîya bi binçimkerdişanê peyênan hûmara binçimkerdeyan nê hewteyê peyînî resaye 59.
Mudîrîya Asyîşî ya Amedî îda kerd ke înan cigêrayîş de 271 kîlo 475 gram madeyê teqayîşî, 8 hebî bombayê destî, 12 hebî roketê ke bi destî ameyî viraştene, 7 hebî çekî, û xeylêk guleyî, kapsulê bielekrîkî, pusula, dûrvîn û xeylêk belge û talîmatê rêxistinkî û malzemeyê cuya ame destfînayene. AMED
