Serdozgeriya Komarê ya Edeneyê 7 jê girtî der barê 25 endamên Meclisa Ciwanan a HDP’ê ya Edeneyê de bi îdiaya ‘Endamên rêxistinê ne’ û ‘Propagandaya rêxistinê kirine’ îdianame amade kirin
Serdozgeriya Komarê ya Edeneyê der barê 7 jê girtî 25 endamên Meclisa Ciwanan a Partiya Demokratîk a Gelan (HDP) a Edeneyê de bi îdiaya ‘Endamên rêxistinê ne’ û ‘Propagandaya rêxistinê kirine’ îdianame amade kir. Îdianame ji aliyê 2’yemîn Dadgeha Cezayên Giran a Edeneyê ve hate qebûlkirin. Dê danişîna ewil a dozê di 30’yê çileya 2020’an de bê dîtin.
Di îdianameyê de dozger îfadeyên îtirafkaran esas girtiye. Her çiqas di dosyayê de delîl tunebin jî, dozger di îdianameyê de îdiaya ‘Dibe ku çalakiyên molotofî kiribin’ kir. Di heman demê de di îdianameyê de nûçeyên der barê Meclisa Ciwanan a HDP’ê de, çalakiyên demokratîk ên ciwanan ên ji bo grevên birçîbûnê û û hevpeyvînên wan ên bi ajansan re jî weke sûc hesibandin. EDENE
