Şandeyeke ji partiyên kurd ên bakurê Kurdistanê, di çarçoveya xebatên yekitiya neteweyî ya kurd de îro dê biçe başûrê Kurdistanê
Nûnerên partiyên kurd ên li bakurê Kurdistanê lez dane xebatên avakirina yekitiya neteweyî. Nûnerên partiyên kurd piştî nîqaş û gotûbêjên li Bakur, niha jî berê xwe didin başûrê Kurdistanê.
Hat zanîn ku şandeyeke ku ji hevserokê Kongreya Civaka Demokratîk (KCD) Berdan Ozturk, nûnereke Partiya Herêmên Demokratîk, parlamenterên HDP’ê Îmam Taşçier, Ayşe Acar Başaran, Nûran Îmîr, cîgirê Hevserokên Giştî yên HDP’ê Nazmî Gur, serokê Giştî yê Partiya Demokrat a Kurdistan-Tirkiyeyê (KDP-T) Mehmet Emîn Kardaş, serokê giştî yê Partiya Însan û Azadiyê (PÎA) Mehmet Kamaç, serokê giştî yê Partiya Azadî Ayetullah Aşîtî pêk tê îro dê ji Enqereyê bi rêya hewayî biçin Herêma Federel a Kurdistanê.
Tê payîn ku şandeya Bakur dê derdora 3-4 rojan di çarçoveya xebatên yekitiya neteweyî de bi bi partiyên siyasî û nûnerên rêxistinên civaka sivîl re hevdîtinan bike. AMED
