Doza ke cinîya bi nameyê Sezen Alkana ke hetê camêrdo Bariş Alkano ke ci reyde zewecnayebi ameye qetilkerdene, ame vînayene. Doze de hakimo camêrd ‘warardişê tehrîkî’ taleb kerd, labelê di hakimê cinî îtiraz kerdî û bi îtirazê hakiman cezaya ‘muebeto girankerde’ dîya kerdox Bariş Alkanî
Cinîya bi nameyê Sezen Alkana 8 aşmî di gane 30ê gulana 2018î de qezaya Qamuşan ya Qersî de hetê camêrdo Bariş Alkano ke ci reyde zewecnayebi ameye qetilkerdene. 21 kanûnî de 1. Mehkemaya Cezaya Giran ya Qersî de roniştişê doza qatil Bariş Alkanî ame vînayene û kerdox bi sucanê ‘bi qestî kiştişê cinîyêka di gane’ û ‘kiştişê qestî yê nîtelîkin’ ceza girewt.
Qatil seba cigêrayîşkerdişê weşîya aqilî sewqê Nêweşxaneyê Nêweşîyan û Weşîya Ruhî yê Xarpêtî ame kerdene û ‘ehlîyetê cezayî yê tam’ dîya ci.
Roniştişê qerardayîşî yê doze 21ê kanûne de ame vînayene. Doze de hakimo camêrd waşt ke ‘warardişê tehrîkî’ bidîyo kerdox, labelê di hakimê cinî îtiraz kerdî û bi îtirazê hakiman cezaya ‘muebeto girankerde’ dîya kerdox Bariş Alkanî.
Sewbîna kerdox verê cû zî seba ke dayîka xo birîndar kerdbî derheqê ci de doze ameybî akerdene û no doze ra beraat kerd. QERS
