Rejîma Îranê kolberê bi navê Ezîz Mehrûfî yê ji gundê Bêmzerete yê Şinoyê, li herêma di navbera Rojhilat û Başûr de qetil kir
Hêzên rejîma Îranê cînayetên ku li dijî kolberên kurd ên li rojhilatê Kurdistanê didomîne. Li gorî nûçeya Kolbernewsê, hêzên rejîma Îranê şevê din li ser sînorê di navbera rojhilat û başûrê Kurdistanê de li herêma Şino êrîşî komeke kolberan kir.
Di nûçeyê de hat destnîşankirin ku di encama êrîşê de kolberê kurd ê bi navê Ezîz Mehrûfî jiyana xwe ji dest da. Li gorî heman çavkaniyê, Ezîz Mehrûfî ji gundê Bêmzerete yê bajarê Şinoyê ye.
Hêjayî bibîrxistinê ye ku hêzên rejîmê yên Îranê di nava salekê de bi sedan kolber li ser sînorên Kurdistanê bi hovane qetil kirin.
