Li herêmên Heftanîn û Xakurkê yên Herêmên Parastinê yên Medyayê di çalakiyên gerîlayên HPG û YJA Starê de 11 leşkerên tirk hatin kuştin
Navenda Ragihandin û Çapemeniyê ya HPG’ê der barê çalakiyên gerîla yên li herêmên Heftanîn û Xakurkê daxuyaniyeke nivîskî weşand.
Di daxuyaniyê de HPG’ê ragihand ku di çarçoveya Pêngava Şoreşgerî ya Cenga Heftanînê ku li herêma Heftanînê ya Herêmên Parastinê yên Medyayê dewam dike de hêzên wan ên YJA Starê di 13’ê kanûnê de li dijî artêşa tirk a li ser Girê Konferansê ya Mezin çalakiyek pêk anîne û ev agahî parve kir: “Derbên giran li çeper û stargerhên dijmin hatin xistin. Di çalakiyê de 8 leşker hatin kuştin û 2 leşker jî birîndar bûn.
Di çarçoveya Pêngava Şoreşgerî ya Şehîd Bager û Şehîd Ronya de hêzên me li herêma Xakurkê ya Herêmên Parastinê yên Medyayê li dijî artêşa tirk a dagirker çalakî pêk anîn.
Di 14’ê kanûnê de saet di 14:30’î de hêzên me li dijî dagirkerên li ser Girê Şehîd Axîn xistin. Hejmara leşkerên ku di çalakiyê de hatin kuştin û birîndar bûn nehate tespîtkirin.
Heman rojê saet di 15:45’an de hêzên me li dijî leşkerên dijmin ên li Girê Şehîd Derwêş çalakî pêk anîn. Derbên giran li dijminê li ser girê hate xistin. Di çalakiyê de 3 leşker hatin kuştin. Artêşa tirk a dagirker leşkerên xwe yên mirî û birîndar bi helîkopterên skorsky ji herêmê rakirin.” BEHDÎNAN
