Fermandarê Pêroyî yê HSDyî Mazlum Ebdî da zanayene ke endamê DAIŞî kişta dewleta tirkî de hêrişê vakur û rojhelatê Sûrîye kenî. Ebdî dîyar kerd ke dewleta tirkî hemverê dewletanê ewropî de koçberan sey tehdît xebetanena û wina va: “Eke têmîyanîya Sûrîye bêra çareserkerdene, ma hadreyî ke koçberanê Sûrîye pêşwazî bikerî
Fermandarê Pêroyî yê Hêzê Sûrîyeya Demokratîke (HSD) Mazlum Ebdî eşkerayîya xo ya serê tora Skynewsî de bale ant hêrişanê dagirkerîye yê dewleta tirkî û çeteyanê pabesteyê aye yê vera rojawanê Kurdistanî ser. Ebdî dîyar kerd ke dewleta tirkî hêrişanê xo yê dagirkerîye de çeteyanê DAIŞî xebetnena.
Ebdî eşkerayîya xo de wina va: “Tirkîya verda ke emrê DAIŞî derg biba û Tirkîya heta serra 2015î qebûl nêkerde ke vera DAIŞî de şer bêro kerdene. Tirkîya biye sebebê koçkerdişê mîlyonan şarê Sûrîye û Anqara vera dewletanê Ewropa de dosyayê koçberan sey tehdît xebetnena. Tirkîya hewl dana ke Sûrîye dagir bikera û bikera binê kontrolê xo. Ma hadreyî ke koçberanê Sûrîye pêşwazî bikerî.”
