FEDA vist vîrî ke Qirkerdişê Mereşî seba koçberkerdişê kurdanê elewîyan û vurnayîşê demografîyê herême ame kerdene û vat no zîhnîyet hema zî dewam keno
Federasyonê Elewîyê Demokratîke (FEDA) bi wesîleya sergêra Qirkerdişê Mereşî yo ke 19ê kanûna 1978î de dest pêkerd û hewteyêk dewam kerd de eşkerayîyêk weşanaye.
Eşkerayîye de ame vîrvistene ke Qirkerdişê Mereşî Terteleyê Dêrsimî ra dima barbarîyêkanê pîlan ê vera kurdanê elewîyan ra yew bi û ame vatene: “Komare Tirkîya de vurîyaye bîye propagandakera qirkerdişan. Na raştîye hema zî bi îtîdarê AKPyî verê çiman de ya. Dewirê AKPyî de gef û înkarê dewlete ya vera elewîyan dewam kenê. Nê dewirî de eke qirkerdişo newe bêro meydan do vera elewîyan bêro kerdene. No qirkerdiş dokumentêkê tarîxî yê rîyê gonînî yê komare yo. No qirkerdiş planê koçberkerdişê elewîyan û vurnayîşê demografîyî bîyî. Kampa ke dewa Teroyan de ameye awankerdene, madeya kanserî ya kiştê Mereşî, kargehê çîmentoyî pêro parçeyêkê nê planî bîyî. Bi polîtîkayanê tersnayîşî û koçberkerdişî wazenê bi destê dewlete kurdê elewîyî bibê neçare û koç bikê.”
FEDA şehîdê Qirkerdişê Mereşî yad kerdî û pare kerd ke ê do vera zulmî qet rayîrê xo yê raştî ra fek vera nêdê.
