Merkezê Çapemenîya HSDyî derheqê roja 71. ya hêrişan de bîlançoyêk weşana û eşkerayîya xo ya 19ê kanûne raşt kerd
Merkezê Çapemenîya Hêzê Sûrîyeya Demokratîke (HSD) derheqê roja 71. ya hêrişan de bîlançoyêk weşana û eşkerayîya xo ya 19ê kanûne raşt kerd.
Eşkerayîya HSDyî wina ya: “Artêşa tirkî ya dagirkere û çeteyê ci hêriş û dagirkerîye yê vera Serêkanîye dewam kerde. Çeteyan bi çekanê giranan hêrişê zaf cayanê sivîlan kerd û waşt ke warê dagirkerî hîra bikê. Artêşa dagirkere vera dewa Mişrefa û cayanê sivîlan ê ke dormeyê Mişrefa de yê bi tankan û obusan hêrişê giranî kerdî. Hêrişan de zerarê madîyî resayî keyeyanê sivîlan ser. Artêşa dagirkere dewanê Ûm El Îşba, Til Herêmla û El Esedîye ser o bombayî varnayî. Ma eşkerayîya xo ya vizêrine de serebûto ke aslê xo de Serêkanîyê de qewimîya seke Amûde de qewimîya eşkera kerd. Dewa Mişefra ya ke ma vizêr sey ‘dewa Amûdê’ eşkera kerde pabesteya Serêkanîyê ya.”
