Yekîneyên Tolhildanê yên Wan û Amedê bi daxuyaniyên nivîskî ragihandin ku hêzên wan li Wan û Amedê çalakî pêk anîne
Yekîneyên Tolhildanê yên Şehîd Savaş Amed û Şehîd Baran Dêrsim, li dijî komploya navneteweyî ya li ser Rêberê Gelê Kurd Abdullah Ocalan, çalakî pêk anîn. Yekîneyên tolhildanê têkildarî çalakiyan daxuyanî dan.
Di daxuyaniyê de ev agahî hatin parvekirin:
“Ruhê berxwedanê yê Rojava ruhê Apoyî ye. Li dijî komploya navneteweyî bi dirûşma ‘Hûn nikarin Roja me tarî bikin’ ruhê bersiv dayînê ye. Tu komployeke li dijî gelê kurd têkoşîna azadiyê nade sekinandin.
Di 13’ê kanûnê li herêma Elmali ya Artemêtan a Wanê dema derbasbûna dijmin çalakiyeke sabotajê hate lidarxistin. Di çalakiyê de wesayîta dijmin qelibî, têkildarî hejmara kuştî û birîndaran a dijmin agahiyên zelal nehatin bidestxistin.
Di 15’ê kanûnê jî li dijî hêzên dijmin ên li herêma Xaçort a Rêya Armûşê li ser îxbara diziyê hatin herêmê, çalakiyeke bi bombeyên destan hate kirin. Her wiha bi saetan li gel yekîneyên bi hewarê jî hatin şer rûdaye, bi dorpêçkirina taxê yekîneyên me bêyî ku ziyan bibînin derketine.
Her wiha li dijî polîsên tirk ên li dibistaneke semta Şehîtlîk a Yenîşehîr a Amedê çalakiyek hate kirin. Di 19’ê kanûnê de bi bombeyên deng û guleyên hewayî çalakî hate kirin.”
