Rojnameyê kurdî yê heftane ‘Xwebûn’ dest bi weşanî kerd. Xwebun veng dano şarê kurdî û vano: “Bi kurdî iwanêne û bidêne wendiş.”
Rojnameyê kurdî yê heftane ‘Xwebûn’ dest bi weşanî kerd. Rojname hetê komêk rojnamegeran ra ameyo amadekerdene û hûmara ci ya yewnine erşawîya çapxane. ‘Xwebûn’ do Tirkîya de bibo rojnameyê kurdî yê tena. Rojnameyê Xwebûn do bi zaravayê kurmancî û kirmnackî bêro vetene. Kurdistano Federe, rojhelat û rojawanê Kurdistanîra bigêra heta Ermenistan, Lubnan û Ewropa xeylê nuştoxê kurdî do rojname de binusnî. Mîyanê kadroyê nuştoxan yê rojname de Kejal Ehmed, Kakşar Oremar, Abdûllah Peşêw, Ehmed Huseynî, Kînyas Mîrzayev, Selîm Temo, Şener Ozmen, xeylê nuştoxê kirmanc û xeylê kesê bînî estî
Do ripelê rojnameyî de polîtîka, kultur, pêvînayîş, ekolojî, ekonomî, dinya û kirmanckî bibî û nuşteyê dosya, cigêrayîş, analîz û swb. ca bigêrî. Hedefê Xwebûnî oyo ke bi ziwanêko xoser weşanê xo dewlemend bikero.
Rojname do rojeva kurdan û yê şaranê herême bikero rojeva xo û tewrê polîtîka, kultur, pêvînayîş, ekolojî, ekonomî, dinya û kirmanckî do xeber, analîz, soyleşî, rêzenuşte û dosyayê taybet zî bibî. Do babete cinî, ekonomî, huner, edebîyat, ziwan û tarîx bibî rojeva rojname. Rojnameyê Xwebûn do tewr zêde muhîmî bido ziwanêko zelal ke rojname de bêro şixulnayene û do nuşteyan ercnayene biweşêno.
Sewbîna rojname veng da kurdan ke kurdî biwanî û bidî wendiş. AMED
