Hêzên rejîma Sûriyeyê ji 19’ê kanûnê ve li dijî çeteyên dewleta tirk ên li Idlibê dest bi operasyonê kir. Navenda Çavdêriya Mafên Mirovan a Sûriyeyê da zanîn ku hêzên rejîmê heta niha li 25 gundan serwer bûye
Şerê di navbera hêzên rejîma Sûriyeyê ya bi piştevaniya asîmanî ya balafirên şer ên Rûsyayê û komên çete yên girêdayî dewleta tirk ê li bejahiya başûr û rojhilatê Idlibê didome. Hat zanîn ku hêzên rejîmê li gelek herêman pêş de çûye.
Têkildarî mijarê Navenda Çavdêriya Mafên Mirovan a Sûriyeyê agahî dan û piştrast kir ku hêzên rejîma Sûriyeyê li bejahiya Meret Nûman a li başûrê Idlibê bi pêş de diçe. Navendê destnîşan kir ku hêzên rejîmê ji 19’ê kanûnê roja destpêkê ya êrîşê heta niha li 25 gundan serwer bûye.
