HPG’ê bi daxuyaniyekê ragihand ku hêzên wan di 19’ê kanûnê de li artêşa tirk ku li Geliyê Zapê derketibû operasyonê xistine. HPG’ê da zanîn ku di çalakiyê de leşkerek hate kuştin û yek jî birîndar bû
Navenda Ragihandin û Çapemeniyê ya HPG’ê der barê şer û pevçûnên di navbera hêzên wan û hêzên artêşa tirk a dagirker de daxuyaniyeke nivîskî bi raya giştî re parve kir.
HPG’ê da zanîn ku artêşa tirk a dagirker di 19’ê kanûnê de li Geliyê Zapê yê Çelê ya Colemêrgê dest bi operasyonê kir û ev agahî dan: “Di heman rojê de hêzên me li dijî yekîneyên operasyonê çalakiyeke sabotajê kirin. Di encama çalakiyê de leşkerek hate kuştin û leşkerek jî birîndar bû. Operasyona li herêmê li hin qadan berdewam dike.”
Gelek herêm hatin bombebarankirin
Di berdewamê de jî HPG’ê diyar kir ku balafirên şer ên dewlet tirk di 19’ê kanûnê saet di navbera 13:30 û 15:30’an de qadên Kalatûka, Tepê Roj, Tepê Zergelê, Bereşê û Şêxan ên herêma Qendîlê, di 20’ê kanûnê saet di 14:00’an de qada Cîlo yê Biçûk ê herêma Zapê û di 21’ê kanûnê piştî nîvro jî qada gundê Peraxê yê herêma Heftanînê û qada gundê Sîda yê herêma Zapê bombebaran kirin.
HPG’ê destnîşan kir ku di bombebaranê de tiştek bi hêzên wan nebûye. BEHDÎNAN
