HSD’ê bi daxuyaniyekê ragihand ku artêşa tirk û çeteyên wê bi çekên giran êrîşî qadên sivîlan ên li gundên Til Temir, Zirgan û Eyn Îsayê kirin. HSD’ê da zanîn ku di êrîşan de ziyanên mezin gihiştin mal û milkê gelê herêmê
Navenda Ragihandin û Çapemeniyê ya Hêzên Sûriyeya Demokratîk (HSD) têkildarî êrîşên dewleta tirk a dagirker û çeteyên wê yên di roja dawî de li dijî rojavayê Kurdistanê daxuyaniyeke nivîskî parve kir.
HSD’ê da zanîn ku artêşa tirk û çeteyên wê bi çekên giran û bi piştevaniya balafirên bêmirov êrîşî qadên sivîlan ên li gundên Erîşa û Salihiyê yên Til Temirê kir. HSD’ê diyar kir ku di encama van êrîşan de ziyanên madî gihîştin gelek zevî û malên welatiyên sîvîl. HSD’ê destnîşan kir ku komên çete li derdora gundê Til Mihemed jî bi çekên giran êrîş kir.
Bi çekên giran êrîşî herêmê kirin
Di berdewamê de jî HSD’ê daxuyand ku komên çete yên girêdayî artêşa dagirker bi çekên giran û hewanan êrîşî herêmên sivîlan ên li derdora gundê Bab El Ferec ê Zirganê kir. Daxuyanî wiha bi dawî bû: “Artêşa tirk a dagirker bi çekên giran herêmên sivîlan ên li derdora gundê Tîna yê Eyn Îsa yê kir. Di encama topbaranê de ziyanên madî gihîştin zevî û mal û milkên welatiyên herêmê.”
