Hevşaredarên Sûrê Fîlîz Buluttekîn û Cemal Ozdemîr ku di 20’ê kanûnê de hatibûn binçavkirin, îro derxistin edliyeyê. Hevşaredar Buluttekîn û Ozdemîr hatin girtin
Hevşaredarên Sûr a Amedê Fîlîz Buluttekîn û Cemal Ozdemîr û endamê Meclisa Şaredariya Sûrê Yilmaz Eken di 20’ê kanûnê de di encama serdegirtina malan de hatin binçavkirin. Piştî bidawîbûna îfadeya wan a li Şaxa TEM’ê ya Amedê, derxistin edliyeyê.
Dozgeriya dewleta tirk bi îdiaya ‘Endamên rêxistinê ne’ sewqî dadgehê kirin û xwest ku bên girtin. Dadgehê jî bi heman hincetê ji bo hevşaredarên Sûrê biryara girtinê da.
Endamê Meclisa Şaredariya Sûrê Eken jî bi şertê kontrola edlî hate berdan.
Hêjayî bibîrxistinê ye ku hevşaredarên Sûrê di dema binçavkirinê de polîsan çek xistibûn serê wan û endamên malbatên wan. AMED
