Rûsya û hêzên rejîmê bombebarana li ser gundewarên Idlibê zêde kir. Piştî ku 46 herêm kontrol kirin, her du alî hewl didin nêzî rêya navneteweyî ya Şam û Helebê ku diçe Meiret Nûmanê bibin
Navenda Çavdêriya Mafên Mirovan a Sûriyeyê (SOHR) ragihand ku hêzên rejîmê çalakiyên xwe didomînin, her wiha hêzên rejîmê bi topbarana bi dehan bombeyan li ser Merşemarîn, Merşûrîn, Merşemşê li gundewarên Meiret Nûman didomînin û ev yek bi bombebarana balafirên şer ên Rûsyayê li ser herêmê pêk tê.
Hêzên rejîmê hewl didin bi desteka Rûsyayê nêzî rêya navneteweyî ya Şam û Helebê ku di bajarê Meiret Nûman re derbas bibe, bibin.
Hêzên rejîmê di 5 rojên dawîn de 46 herêm kontrol kirin; Um Celal, Un Tiwênê, Xerîbe, Rebîe, Şerê, Bernan, Sehal, Fercê, Ebo Hebê, Refê, Seric, Heran, Siyadî, Til Dem, Qetrê, Til Şêx, Berîsê, Merzê El-Elî, Birc, Herakî, Minzar, Tehtaya, Helbê, Qiratî, Kirstenê, Teh, Meyîserûnê, Seqiyê, Ebo Mekî, Meratê, Felûl, Hedîsê, Ebo Difnê, Teqanê, Cercenaz, Metrawê, Xirbêt Serûnî, Bistan, Meserê, Xirbêt Ernebê, Misîbtê, Ebo Şircî, Bilqê, Tilmis, Xidfê û çend mezreyên biçûk.
Hêzên rejîmê û Rûsyayê êrîşên xwe li ser ‘herêma bêçek’, ew yek piştî binketina komîteya destûrê û civînên Astanayê ya dawî pêk tê.
Çavdêr dibînin ku Rûsya hewl dide zextê li ser Tirkiyeyê bike, ji ber paşguhkirina wê di pêkanîna hevpeymanên Astanayê de.
