Di hepsîyê ke wextê sewqkerdişî de ameybî derbkerdene, gardîyanan gere kerdî. Gerreyê hepsîyan ame redkerdene û ceza înan rê ame birnayene
Mehmet Sayilgan û Îdrîs Işikî gama ke Zîndanê Mûşî ra sewqê Zîndanê Tîpa Tyî yê Wanî ameyî kerdene, cigêrayîşê zitî înan ser de ame ferzkerdene. Seba ke hepsî cigêrayîîşê zitin qebul nêkerdî gardîyan înan derb kerdî. Hedîse ra dima di hepsîyî muracatê mehkema kerdî û gardîyanan gere kerdî. Mehkema waştişê hepsîyan red kerde û bi îdîayê ‘astengkerdişê wezîfe’ û ‘heqaret bi wezîfedaranê dewlete kerdî’ ra derheqê înan de doze akerde û yew serr û 5 aşmî ceza daye înan.
Mehkema qerarê xo de îdîa kerde hepsî heqaret bi gardîyanan kerdî û no qerar zî goreyê qeydê sîcîlî yê hepsîyan ameyo dayene. Mehkema sewbîna qerarê xo de seba wirdî hepsîyan va !kesê ke nînê îslahkerdene.’
Dima ra avûkatî muracatê Mehkemaya Îstinafî ya Erziromî dayî. Mehkemaya îstinafî dîyar kerde ke çîyêko teberê huqûqî çin o û muracatê avûkatan zî red kerde. Mehkema cezaya dîyabî hepsîyan tesdîq kerde.
Avûkatî do muracatê Mehkemaya Berzî bikerî. WAN
