HPG’ê bi daxuyaniyekê ragihand ku hêzên wan li navçeya Başan a Îdirê û li Çelê ya Colemêrgê li artêşa tirk xistine. HPG’ê diyar kir ku di çalakiyan de 2 leşker hatine kuştin
Navenda Ragihandin û Çapemeniyê ya HPG’ê der barê çalakiyên gerîla yên li Îdir û Colemêrgê daxuyaniyeke nivîskî weşand.
HPG’ê diyar kir ku hêzên wan di çarçoveya Pêngava Serkeftina Şoreşgerî ya li Eyaleta Serhedê de, di 24’ê kanûnê saet di 18.00’an de li naçeya Başan a Îdirê li dijî leşkerên qereqola Axuriyê çalakî pêk anîn. HPG’ê da zanîn ku di çalakiyê de 2 leşker hatine kuştin.
Di berdewamê de jî HPG’ê destnîşan kir ku hêzên wan di çarçoveya Pêngava Şoreşgerî ya Şehîd Bager û Şehîd Ronya de, li dijî hêzên artêşa tirk ên li ser Girê Koordîneyê ya navçeya Çelê ya Colemêrgê di 24’ê kanûnê saet di 14:30’an de çalakî pêk anîn. HPG’ê daxuyand ku di çalakiyê de li çeper û stargehên leşkerên tirk hatiye xistin. HPG’ê diyar kir ku di çalakiyê de her çiqas kuştî û birîndarên artêşa tirk çêbibin jî hejmara wan nehatiye zelalkirin. BEHDÎNAN
