Komeleya Kulturî ya Qoçkirî aktîvîteya Gaxanî serûber kerde. Şarê Kurdîstanî Gaxan de bi awazan, loqmeyan, nuşte û qiseyan serra kahane raşt keno û dest pê serra newîye keno
Komeleya Kulturî ya Qoçkirî bi aktîvîteya Gaxanî serra newîye fîraz kerde. Gaxan tradîsyonê Kurdîstanî yo ke bi hevî û waştişê cuya neweye amadekîya serra newîye yena kerdene. Şarê Kurdîstanî Gaxan de bi awazan, loqmeyan, nuşte û qiseyan serra kahane raşt keno û dest pê serra newîye keno.
Bernameyo diyîn ê serra 2019-2020î yê aktîvîteya Gaxanî Komeleya Kulturî ya Qoçkirî de ame kerdene û zaf kesî tewrê aktîvîte bîyî. Aktîvîte hetê Şubeyê Umranîye yê Komeleya Varto ya Mûşî ra bi kayêkê kirmanckî yo ke caardişê rituelê Gaxanî pêşkêşê seyrkerdoxan kerdêne dest pêkerd. Dima fîlmê dokumentî yê Umur Hozatî yê bi nameyê ” Tradîsyonêko Komelkî: Gaxan” ame mojnayene. Aktîvîte bi pêşkêşê Pîr Mehmet Karabulutî yê bi nameyê ”Tradîsyono qedîm ê Anadolu, Mezopotamya û Horasan: Gaxan” yo ke moderatorîya ci Komeleya Kulturî ya Qoçkirî Riza Karamanî kerdêne dewam kerd. Aktîvîte de hunermende Ayfer Duzdaş vejîyaye sehne ser û bi vilakerdişê loqmeyan aktîvîte qedîyaye. STENBOL
