HPG’ê bi daxuyaniyekê ragihand ku hêzên wan di 25’ê kanînê de li herêma Xakûrkê li dijî artêşa tirk çalakî pêk anîn û derbên giran li artêşa tirk hatin xistin
Navenda Ragihandin û Çapemeniyê ya HPG’ê têkildarî çalakiyên hêzên wan ên li herêma Xakûrkê li dijî artêşa tirk, daxuyaniyeke nivîskî parve kir.
HPG’ê diyar kir ku hêzên wan di 25’ê kanûnê de di çarçoveya Pêngava Şoreşgerî ya Şehîd Bager û Şehîd Ronya de li herêma Xakûrkê ya Herêmên Parastinê yên Medyayê li dijî artêşa tirk çalakî pêk anîn û hûrgikiyên çalakiyê wiha parve kirin: “Hêzên me saet di 10:30’an de li dijî leşkerên li ser Girê Şehîd Axîn çalakiyek pêk anîn. Derbên giran li çeper û stargehên dijmin hate xistin. Hejmara leşkerên di vê çalakiyê de hatin kuştin û birîndar bûn nehate tespîtkirin. Hêzên me saet di 12:30’an de jî li dijî leşkerên li Girê Şehîd Axîn cara duyemîn çalakiyek pêk anîn. Di vê çalakiyê de jî hejmara leşkerên hatin kuştin û birîndar bûn nehate tespîtkirin.”
Herî dawî jî HPG’ê ev agahî dan: “Piştî çalakiyê saet di 14:30’an de balafirên şer ên artêşa TC a dagirker bombe li derdorê barandin. Ji ber bombebaranê tiştek bi hêzên me nebû.”
