Cenazeyê endezyarê înşaetê Cîhan Can ku şevê din ji hêla polîsan ve hate qetilkirin, îro li Goristan Yenîkoy a Amedê hate definkirin
Ciwanê bi navê Cîhan Can (33) ku endezyarê înşaetê ye, duh bi şev li ber avahiya Partiya Demokratîk a Gelan (HDP) a Amedê dema ku di meşiya seyareya polîsên çevîk lê xist. Di encamê de Can li cihê bûyerê jiyana xwe ji dest da. Cenazeyê Can ji bo otopsiyê rakibûn morga Nexweşxaneya Dewletê ya Selahattîn Eyyubî ya Amedê.
Malbatê piştî karê otopsiyê cenaze wergirt û bir Goristana Yenîkoy a Amedê. Li mizgefta goristanê wecîbeyên olî yên cenazeyê pêk hatin û piştre jî Can hate definkirin.
Malbatê şîna xwe li Mala Şînê ya Hevêdiyan a li navçeya Rezanê danî.
Hêjayî bibîrxistinê ye ku ji 20’ê mijdara sala 2018’an ve avahiya HDP’a Amedê ji hêla polîsan ve hatiye dorpêçkirin. AMED
