Meclisa Jinê ya Meclisa Malbatên Şehîdan a Herêma Firatê civîna xwe ya salane li dar xist. Di civînê de rapora salane hate xwendin û plansaziya sala 2020’an amade kirin
Meclisa Jinê ya girêdayî Meclisa Malbatên Şehîdan a Herêma Firatê îro civîna berfireh a salane li dar xist. Civîn li Eywana Firat a Kobanê bi amadebûna bi dehan endamên malbatên şehîdan hat lidarxistin. Eywan bi wêneyên Rêberê Gelê Kurd Abdullah Ocalan, şehîdên tevgera azadiyê û alên Meclisa Malbatên Şehîdan, Kongra Star û parkartên bi nivîsa ‘Jiyana bê Rêber Apo jiyaneke bê wate ye’, ‘Divê em feraseta şehîdan di jiyanê de temsil bikin’ û ‘Bi coşa berxwedana şehîdan em ê Rêber Apo azad bikin’ hatibûn hildan.
Civîn bi deqeyek rêzgirtinê dest pê kir. Piştre jî perspektîfên Ocalan der barê jin û şehîdan de ji aliyê Cîhan Hemed ve hatin xwendin. Her wiha rapora salekê ya Meclisa Jinê ya Malbatên Şehîdan jî ji aliyê Ronahî Ehmed ve hate xwendin. Di heman demê de beşdaran jî xebatên salekê yên meclisê nirxandin û plansaziya sala 2020’an kirin.
Civîn bi nirxandin û pêşniyarên ji bo pêşxistina xebata Meclisa Jinê ya Malbatên Şehîdan bi dawî bû. KOBANÊ
