Serokê Şaredariya Hênê yê AKP’î Îbrahîm Lale li Meydana Batikenta Amedê li eraziyê bêîmar dest bi çêkirina avahiya qaçax kir
Serokê Şaredariya Hênê yê AKP’î Îbrahîm Lale li Meydana Batikentê ya navçeya Rezana Amedê di nava eraziyê vala yê bêîmar de dest bi çêkirina du sehayên futbolê yên xalî û salonek dawetê kir. Lale yê ku berê li eraziyê heman cihî di nava sînorên navçeya Yenîşehîrê de bûn kargeh çêkirin niha jî çavê xwe berda eraziyên mayî. Di 15’ê mijdarê de dest bi çêkirina van avahiyan hat kirin. Balkêş e ku makîneyên kar ên bêplaka tên xebitandin.
Her wiha ji trafoyên nêz ceryana qaçxa hat kişandin û hat zanîn ku tevî giliyê ceryana qaçax hatiye kirin jî lê DEDAŞ’ê tu tiştek nekiriye.
Tê gotin ku Îbrahîm Lale dem bi dem avahiyên çêdike ziyaret dike û herî dawî di 24’ê kanûnê de bi siwareya xwe ya şaredariyê avahiyên xwe yên qaçax kontrol kiriye.
Hat angaştkirin ku bi destûrdayîna Serokê Şaredariya Rezanê yê AKP’î Huseyîn Beyoglû hatiye destpêkirin. AMED
