AKP a ku Şaredariya Cizîrê xesp kir û meclisa şaredariyê betal kir, ji bo ku tev li bernameya dê Erdogan beşdar bibe bibin, ji hevşaredar Bêrîvan Kutlu û endamên meclisa şaredariyê yên HDP’î re vexwendname şandin
Hikûmeta AKP’ê di 29’ê cotmeha 2019’an de qeyûm tayînî Şaredariya Cizîrê kir. Piştî tayînkirina qeyûm, Meclisa Şaredariya Cizîrê jî hate betalkirin. Lê heman qeyûm ji bo pêşangeha ku dê di 15-16’ê çileyê de bê nîşandan û serokê giştî yê AKP’ê Tayyîp Erdogan jî tev lê bibe, endamên meclisa şaredariyê vexwendin.
Di vexwendnameyê de îmzeya wezîrê hawirdor û bajarsaziyê Mûrat Kurum, wezîrê pîşesazî û teknolojiyê Mûstafa Varank û seroka Yekitiya Şaredariyên Tirkiyeyê û seroka Şaredariya Bajarê Mezin a Dîlokê Fatma Şahîn heye. Di vexwendnameya ku ji şaredariyê re hatiye şandin de tê xwestin ku vexwendnameyê bidin endamên Meclisa Şaredariyê ya HDP’ê. Piştre jî ev vexwendname ji endamên meclisê re hatin şandin.
Yek ji kesên ev vexwendname jê re hatiye şandin jî hevşaredar Berîvan Kutlu ye. Lê belê vexwendname ji hevşaredar Mehmet Zirig û cîgirê wî Abdulkadîr Haşîmî re nehatin şandin.
Li ser vê yekê jî endamên Meclisa Şaredariyê yên HDP’î bertek nîşan dan û diyar kirin ku bi vê vexwendnameyê jî careke din aşkera dibe bê ka tayînkirina qeyûman û betalkirina meclisê çiqas dûrî hiqûqê ye. ŞIRNEX
