Qezaya Altindagî de adir kewt awanîyêk. Şewato ke vejîya de 4 kesî cuya xo vindî kerdî û 9 kesî zî birîndar bîyî
Qezaya Altindagî ya Anqara de saetanê serê sibayî dormeyê 06.30î de adir bi awanîyêk 3 qatin kewte. Goreyê xeberanê ewilan şewat sobeyê cereyanî vera vejîyayo. Şewato ke vejîya de 4 kesê ke seba bimbarekkerdişê serra neweye ameyi têhet cuya xo vindî kerdî û 9 kesî zî birîndar bîyî. Kesê birîndarî wedarîyayê nêweşxaneyanê cîya-cîyayan yê Anqara. Ame zanayene ke nameyê kesê ke cuya xo vind kerdî wina yo; Seyfî G., Semîh A., Naci C. Û kesêk ke nameyê ci nêame zanayene. ANQARA
