Platforma Jinan a Enqereyê bertek nîşanî binçavkirina jinên ku li Kampusa Cebeciyê Reqsa Las Tesîs kirin, dan. Platformê diyar kir ku tu zext nikarin vîna jinan bişikînin û dê serhildana xwe bidomînin
Polîsên dewleta tirk endamên Yekitiya Ciwanên Tirkiyeyê (TGB) ku li Kampusa Cebecî reqsa Las Tesîs kiribûn binçav kiribûn. Platforma Jinan a Enqereyê jî li Navenda Giştî ya Yekitiya Mulkiyelîler têkildarî mijarê daxuyaniyek da. Li ser navê platformê xwendekara Zanîngeha Enqereyê Nazli Îkray Oztay daxuyanî xwend.
Oztay anî ziman ku hêzên dewletê jinan bi awayeke derhiqûqî binçav dikin. Oktay diyar kir ku tevî zextên heyî jî, tu kesî nekarî vîna jinan bişikîne û wiha domand: “Îktîdar bi pêkanînên xwe êrîşî zarokan dike. Bi zagonên efûkirinê tecawizkaran diparêze. Em ê bi boyaxên xwe yên mor serhildana xwe bidomînin.” ENQERE
