Li Endonezyayê ji ber barana zêde lehî rabû û erd şemitî. Li gorî agahiyan, di encama lehiyê de herî kêm 23 welatî mirin û zêdetirî 30 hezar kesan jî malên xwe terikandin
Li paytexta Endonezyayê Cakartayê ji ber barana ku di dawiya salê de zêde bariya, erd şemitî û lehî rabû. Li gorî rayedaran ji ber baranê ku heta saetên destpêkê yên sala nû bariya, herî kêm 23 kesan jiyana xwe ji dest dan. Di bîlançoya beriya niha de jî ev hejmar weke 9 kes hatibû destnîşankirin.
Ji ber karesata lehiyê zêdetirî 30 hezar kes neçar man ku malên xwe biterikînin. Karesat bû sedem ku li gelek herêmên Cakartayê ceryan qut bibe. Li Cakarta û derdora wê nêzî 30 milyon mirov dijîn.
Li Cakartayê di sala 2007’an de jî lehî rabûbû û derdora 50 kesî jiyana xwe ji dest dabûn. CAKARTA
