Serokê DYA’yê Donald Trump têkildarî kuştina Qasim Silêmanî li ser twîtterê peyamek parve kir û got; ‘Îran heta niha di tu şeran de biser neketiye. Lê di muzakereyan de jî winda nekiriye.’
Fermandarê Hêzên Qudsê ya Muxafizên Şoreşa Îranê Qasim Silêmanî duh bi şev ji hêla hêzên Dewletên Yekbûyî yên Amerîkayê (DYA) ve hate kuştin. Têkildarî mijarê serokê DYA’yê Donald Trump li ser hesaba xwe ya twîtterê peyamek parve kir.
Peyama Trump a li ser twîtterê wiha ye: “Îran heta niha di tu şeran de biser neketiye. Lê di muzakereyan de jî winda nekiriye.”
Li hêla din, rayedarên Îranê jî ji bo tolhildanê gef li Amerîkayê xwarin.
