DYA bado ke genaral Qasim Silêmanî yo îranij qetil kerd Iraq de vera Haşdî Şabî hêrişêko newe kerd
Goreyê çimeyanê Iraqî bînşewe vakurê Bexdadî de vera fermandarêkê hêzê mîlîsî yê paştgêrê Îranî Haşdî Şabî hêrişê hewayî ame kerdene.
Çimeyêkê leşkerî yê Iraqî yê ke eşkerayîye daye Reutersî vat nêzdîye Bargehê Leşkerî yê Tacî de mîlîsê Haşdî Şabî hedef ameyî girewtene. 6 kesî merdî û 3 zî giran birîndar bîyî. Haşdî Şabî zî bi eşkerayîyêk da zanayene ke konveyêkê weşîye yê înan yo ke tede îdarekarê înan çînêbî ame pirodayene.
Verê nê hêrişî rojêk cuwa ver DYA Bexdad de Qasim Silêmanî yo îranij û fermandarêko girîng ê Haşdî Şabî kiştbî. Nê hêrişî qesewatê şerê neweyî yê Rojheletê Mîyanênî ard. Îran de vengê qesasî bênê berz. Serekê DYA Trump zî vat ê seba ke şerêk dest pê bikero ney seba ke şerêk vindarnê têgêrenê. Trumpî îdîa kerd ke Silêmanî vera dîplomat û leşkeranê DYA planê hêrişî kerdêne û Silêmanî sey ‘terorîsto tewr pîl‘ name kerd.
