HRE’yê bi daxuyaniyeke nivîskî bîlançoya berxwedna sala 2019’an aşkera kir. HRE’yê da zanîn ku hêzên wan di vê salê de 252 çalakî pêk anîn û di encamê de jî 621 çete û leşkerên tirk hatin kuştin. HRE’yê diyar kir ku di temamiya salê de 9 hevalên wan jî şehîd bûne
Hêzên Rizgariya Efrînê (HRE) bi daxuyaniyeke nivîskî encama şer û berxwedana sala 2019’an bi raya giştî re parve kir.
Daxuyaniya HRE’yê wiha ye:
“Hêzên me ji bo domandina berxwedana dîrokî ya Efrînê û rizgarkirina xaka xwe ji dagirkeriya dewleta tirk û çeteyên wê, di dirêjiya sala 2019’an de çalakî û operasyonên xwe domandin. Di nav salê de hêzên me bi hejmarekê gelek zêde çalakî derbên giran li çete û leşkerên artêşa tirk a dagirker dan. Encamên çalakiyên hêzên me yên li herêma Efrîn, Til Rifat, Bab, Ezaz, Mare, Şehba û gundewarên wê wiha ne;
* Hêzên me li dijî dagirkeran bi giştî 252 çalakî pêk anîn.
* Di vana çalakiyan de 621 çete û leşker û her wiha endamên MÎTê hatin kuştin.
* Ji van kesên hatine kuştin 486 jê çete û 135 jî leşkerên artêşa tirk a dagirker û sîxurên MÎTê ne.
* Di van çalakiyan de 455 çete, leşker û sîxûrên MÎT’ê birîndar bûn.
* Ji yên birîndar 338 jê çete û 117 jî leşkerên artêşa tirk a dagirker û sîxurên MÎTê ne.
* Her wiha ji van kesan bi qasî ku hatiye zelalkirin, zêdetirî 20 kesan serçete û serbazên artêşa tirk a dagirkeran in.
* Di van çalakiyan de hêzên me dest danîn ser 35 çekên AK-47, 175 şarjorên AK-47’ê, çekekî sekvaniyê, çekekî M-240’ê, çekeke RPK’ê, 8 çekên BKC’yê û alavên wê, 3 roketavêjên RPG-7’ê û alavên wê, 15 rext, 10 dûrbîn, hejmareke amûrên pêwendiyê, dokumanên rêxistinî û alavên leşkerî.
* Di çalakiyên me de 55 çek û seyareyên leşkerî ku tang, seyareyên zirxî, motor û çekên giran jî di nav de ne hatin rûxandin.
* Artêşa tirk a dagirker di sala 2019’an de herî kêm 120 êrîşên hewayî û 15 êrîşên bejahî li ser herêmên sivîl ên Şehba û Til Rifatê ku koçberên Efrînê lê dimînin, pêk anîn. Her wiha gelek caran gundewarên herêmê topbaran kirin û ziyanên madî gihandin mal û milkê gelên herêmê.
* Di êrîşên artêşa dagirker ên bi top, balafirên şer û balafirên bê mirov de 9 hevalên me şehîd bûn.”
