Kiştişê Qasim Silêmanîyî ra dima Îranî eşkerayîyê ”qesasî” dayî. Serekê DYA Donald Trumpî bi hawayêkê xurtî cewabê nê eşkerayîyan da û vat: “Eke hêrişêk bêro kerdene ma do cade pirodê 52 hedefî yê ke ma Îran de eşkera kerdî.”
Serekê DYA Trumpî bi hawayêkê xurtî cewab da eşkerayîyanê qesasî yê Îranî ke kiştişê Fermandarê Hêzê Qudûsî yê Muxafizanê Şorişî yê Îranî Qasim Silêmanî ra dima ameyî kerdene. Trumpî vat: “Ma Îran de 52 hedefî eşkera kerdî. Eke vera ma hêrişêk bêro kerdene ma do cade bi hawayêkê pîtî pirodê nê hedefan.”
Trumpî hesabê xo yê tewîtterî ser o cewabê eşkerayîyanê Îranî da.
Trumpî vat: “Dima ke ma raybero terorîst kişt ke ey amerîkayîjêk kiştbi, zaf kesî birîndar kerdbi, pêro cuya xo de zî zaf kesî kiştbi Îran bi hawayêkê zaf eşkera vano ke ê seba ke qesasê xo bigêrê do pirodê mulkanê DYA. Îran serran ra nata meselêke ra ber çîyêk nêbi. Ez HÎŞYARÎYE kena ke ma 52 hedefî eşkera kerdî ke seba Îranî û kulturê Îranî girîng ê.(Zaf serrî verê cû Îran 52 amerîkayîjî esîr girewtbi , na hûmare înan temsîl kenê.) Eke Îran pirodo amerîkayîjêk yan zî mulkêkê Amerîka ma do CADE Û BI HAWAYÊKÊ XURTÎ pirodê nê hedefan. DYA hînî nêwazena ke gefêk bêro wendene.”
