Wezareta Karên Derve ya Erebistana Siûdî têkildarî tezkereya Lîbyayê daxuyaniyek da û wiha got: “Hewldana dewleta tirk a ji bo şandina leşkeran a ber bi Lîbyayê, li ser ewlehî û aramiya Lîbya û welatên ereb gefek e.”
Meclisa tirk demek berê bi dengên bi dengên hikûmeta AKP-MHP’ê tezkereya Lîbyayê erê kir. Di vê çarçoveyê de biryar hate girtin ku dewleta tirk ji bo şerê navxweyî leşkeran bişîne Lîbyayê. Ev hewldana dewleta tirk rastî bertekên tund ên dewletên ereb tê. Têkildarî mijarê Erebistana Siûdî jî daxuyaniyeke nivîskî weşand.
Li gorî Ajansa Was a Erebistana Siûdî, Wezareta Karên Derve ya Erebistana Siûdî daxuyaniyek weşand û wiha got: “Erebistana Siûdî teqez dike ku hewldana dewleta tirk a ji bo şandina leşkeran a Lîbyayê, li ser aramî û ewlehiya Lîbyayê û herêmên erebî gefek e. Ji ber ku destwerdana kar û barên hundirîn ên dewleteke erebî dike û ev yek jî binpêkirina pîvan û zagonên navdewletî ye.”
