Nivîskar Ronî War diyar kir ku divê her kes xwedî li ziman û wêjeya kurdî xwedî derkeve. War got; ‘Em çiqas li wêjeya kurdî xwedî derkevin, em ê ewqas bikarin zimanê xwe pêş bixînin.’
Weşanên Ava ji sala 2010’an heta niha di nava Pêşengeha Pirtûkan a TUYAP’ê ya Edeneyê de cihê xwe digire. Weşanên Ava bi pirtûkên kurdî di nava pêşengehê de cihê xwe digire. Nivîskarê Weşanên Avayê, Ronî War di fuarê de axivî.
Ronî War diyar kir ku bi pirtûkên kurdî tenê weşana wan beşdarî pêşengeha pirtûkan a Çukurovayê dibe û wiha got: “Em bang li her kesî dikin ku bên pêşengehê. Em wekî weşanxaneya kurd bi tenê beşdarî pêşengehê dibin. Divê her kes li zimanê kurdî û wêjeya kurdî xwedî derkevin. Em li zimanê xwe xwedî derkevin.”
Di berdewamê de jî War ev tişt destnîşan kir: “Em bi zimanê xwe bixwînin, binivîsin û bi axivin. Divê em li her qada jiyanê li zimanê xwe xwedî derkevin. Em çiqas li wêjeya kurdî xwedî derkevin, em ê ewqas bikarin zimanê xwe pêş bixînin. Em çiqas bibin yek û bi hevre têbikoşin em ê ew qas bi hêz bibin.” EDENE
