Hemşaredarê HDPyî weçînayîşê 31ê adare Şaredarîya Qersî qezenc kerd û ameye kar ser. HDP demê xo de mesrefan kêmî kerd û tena serra 2019î de 345 hezar TL pere mesrefan ra kêmî kerd. Wexto ke şaredarê MHPyî kar ser de bî, serra 2018î de 1 mîlyon û 703 hezar TL pere zêde xerç kerdbî
Rêxistina Partîya Demokratîke ya Şaran (HDP) weçînayîşê 31ê adara 2019î de Şaredarîya Qersî qezenc kerde. Badê ke hemşaredarê HDPyî ameyî kar ser sere de mesrefan kêmî kerdî. Wexto ke şaredarî destê MHPyî de bî, şîyayîş zêde bî. Labelê badê ke şaredarî kewte destê HDPyî şîyayîş kêmîyayî. Badê ke hemşaredarê HDPyî Şevin Alaca û Ayhan Bilgen ameyî kar ser, şaredarîyêka nimune awan kerdî û vernîya şîyayîşanê zêdeyan girewtî.
Wextê MHPyî de tewr zêde meyman, merasîm û xebatanê kêyfîyan rê mesref virazîyayî. Badê ke HDP ame kar ser vernîya şîyayîşanê zêdeyan padîya. Hetê rayîr, werd, şîmitiş û meymandarîye de se ra 80 mesrefî kêmîyayî. Serra 2018î de prosesê Şaredarê MHPyî Murtaza Karaçantayî de seba meymandarî, werd û şimitişî pêropîya 1 mîlyon û 703 hezar TL maebi xerçkerdene. Prosesê Hemşaredarê HDPyî Alaca û Bilgen de zî tena 9 aşmanê peyênan de se ra 80 tasarruf ame kerdene û 345 hezar Tl şîyayîşan ra kêmî bî.
Badê ke HDP ame kar ser 110 personelê bankamatikî kar ra vet. QERS
