DYA û Îran yewbînan rê gef wanenê. Sekreterê Pêroyî yê NATOyî Jens Stoltenbergî venga sersefîranê Îtîfaqê Atlantîkî da ke beşdarê kombîyayîşê îstîsnayî bibê
DYA û Îran yewbînan rê gef wanenê. Sekreterê Pêroyî yê NATOyî Jens Stoltenbergî venga sersefîranê Îtîfaqê Atlantîkî da ke beşdarê kombîyayîşê îstîsnayî bibê. Kombîyayîş na roja dişemeyî do bêro kerdene. Vervatoxê NATOyî eşkerayîye de vat: “Sekreterê Pêroyî dima ke îtîfaqan reyde muneqeşa kerd bire daye ke seba kombîyayîşêkî veng bido sersefîran.”
Sefîrê 29 welatanê NATOyî hewteyêk de yew di rey bi hawayêkê nîzamî yenê pêser û meseleyan ser o qisey kenê, seba çareserîyan muneqeşa kenê. Rojdemê kombîyayîşê îstîsnayî zî krîzê mabênê DYA û Îranî yo ke beno pîl.
Dima ke Qasim Silêmanî hewteyê vîyarteyî de hetê DYA ra Bexdad de ame kiştene NATOyî roja îneyî pêro falîyetê xo yê Iraqî vindarnabi.
Îran sondê ‘qesasî’ weno û ano ziwan ke Îran do wextêkê kilmî de do pirodo DYA. Serekê DYA Donald Trump zî di rojan ra nata Îranî rê gef waneno ke DYA do piroda 52 tesîsanê Îranî yê kulturelan. Hedefkerdişê tesîsan ê kulturelan sey sucê şerî yeno hesibnayene. BRUKSEL
