Ame zanayene ke qezaya Pêrtagî ya Dêrsimî de xeylê domanê lajî raştê îstismarê cinsî ameyî. Derheqê babete de kesêk ame tepiştene
Ame zanayene ke qezaya Pêrtagî ya Dêrsimî de xeylê domanê lajî yê 11 û 16 serrî raştê îstismarê cinsî ameyî. Na çarçewe de tehqîqat dîya destpêkerdene û keso bi nameyê H.Y.yî ame tepiştene.
Qerarê nimitişî dîya tehqîqato ke hetê Serdozgerîya Komarî ya Pêrtagî ra dîyabî destpêkerdene ser û ame zanayene ke xeylê wendekarê ke mektebanê cîya-cîyayan de wanenî berdî Mudirîya Polîsan ya Qeza û îfadeyê înan ame girewtene.
Ame zanayene ke derheqê ‘qerarê nimite’ ke dîyayo dosya ser de tu xeberêk nêdîya avûkatanê endamê Baroya Dêrsimî rê.
Yeno pawitene ke endamê Platformê Cinîyan ê Dêrsimî derheqê îstismarî de eşkerayî bidî çapemenî. DÊRSIM
