Dozgerê ku derbarê 2 jê girtî 15 jinên siyasetmedar de îdianame amade kir, saeta dîwêr ku li ser ‘KJA’ nivîsandî û ‘Jin jiyan azadî’, ‘Hevserokatî xeta me ya mor e’ wekî delînên sûc nîşan dan
Li Wanê di 1’ê mijdara 2019’an de di serdegirtinên malan de ku bi îdiaya ‘li ser navê PKK/KCD’ê xebat meşandine’ derbarê 15 jinên siyasetmedar ku 2 ji wan girtîne de îdianame ji aliyê dozgeriyê ve hat amadekirin. Îdianameya ku hat amadekirin ji aliyê dadgehê ve hat qebûlkirin. Di îdianameya ku ji dadgehê re hat ragihandin de, daxuyaniyên jinan ku dane, pankartên ku ji aliyê TJA’yê ve hatin amadekirin, rojnameya Azadiya Welat û Yenî Yaşam, Kovara Jineolojiyê, dîmenê zaroka li ber strana kurdî dilîst di telefoneke ku hat girtin de û saeta dîwarê ku li ser ‘KJA’ nivîsandî û ‘Jin jiyan azadî’ û ‘Hevserokatî xeta me ya mor e’ wekî delîlên sûc hatin hesibandin. Di îdianameyê ya ku 39 rûpelan pêk tê de tenê 20 rûpelên wê hemû xebatên TJA’yê hatine îlegalîzekirin û xebatên KCD’ê jî wekî sûcê giran hatiye dîtin.
Di beşa dawî ya îdianameyê de hat xwestin ku 15 jinên siyasetmedar ji sûcên ‘endamtiya rêxistinê’ û ‘propagandaya rêxistinê’ bên cezakirin. WAN
