Girtiyê nexweş ê 74 salî Nebî Îlhan ê li Girtîgeha Tîpa E ya Sêrtê dihat girtin, jiyana xwe ji dest da
Girtiyê nexweş ê 74 salî Nebî Îlhan ku bi hincetên siyasî dihat darizandin û 6 sal cezayê girtîgehê lê hatibû birîn, li Girtîgeha Tîpa E ya Sêrtê dima. Demek berê jî ji ber nexweşiyên xwe rakirin Nexweşxaneya Dewletê ya Sêrtê û pêr jî hate emeliyatkirin. Girtiyê nexweş Îlhan duh di saetên serê sibehê de jî li nexweşxaneyê jiyana xwe ji dest da.
Îlhan ku ev nêzî 2 salane girtî ye, beriya ku bê girtin 2 caran ji dilê xwe hatibû emeliyatkirin. Di heman demê de nexweşiyên şekir û tansiyonê yên Îlhan hebûn. Îlhan ev mehek bû li Nexweşxaneya Dewletê ya Sêrtê dihat dermankirin û di organên wî yên hundirîn de ûr hebû. Bijîşkan berî du rojan îlhan emeliyat kirin. Lê Îlhan jiyana xwe ji dest da.
Cenazeyê Nebî Îlhan duh bi şev ji nexweşxaneyê hate wergirtin û li Goristana Zevye ya Sêrtê hate definkirin.
Malbata Îlhan şîn li Mala Şînê ya Zevyayê danî. SÊRT
